Kreu i Partisë Demokratike të Kosovës, Bedri Hamza, ka ndarë pamje nga marshi i djeshëm “Drejtësi, jo politikë” që u mbajt në Prishtinë.
Hamza vlerëson se dje foli populli për të drejtën e Ushtrisë Çlirimtare të Kosovësa ndërsa sot flasin katër ish-krerët e saj në Hagë, njofton Dukagjini.
“Nga lufta për liri dhe shpallja e pavarësisë deri te mbrojtja në Gjykatën Speciale, rrugëtimi i popullit tonë ka qenë me shumë sakrifica, por gjithmonë i drejtë. Dje foli populli. Sot flasin ata”, ka shkruar Hamza.
Kujtojmë se sot para Dhomave të Specializuara në Hagë do të paraqiten deklaratat përmbyllëse në gjykimin e Hashim Thaçit, Kadri Veselit, Rexhep Selimit dhe Jakup Krasniqit.