Ministria e Punëve të Jashtme dhe Diasporës ka bërë publik një reagim nga Ambasada e Kosovës në Abu Dhabi.
Aty thuhet se për shkak të rritjes së tensioneve në rajon, ekziston rrezik i shtuar për përshkallëzim të situatës, i cili mund të sjellë ndërprerje të udhëtimeve dhe ndikime të tjera të paparashikuara, njofton Dukagjini.
Ambasada u bën thirrje shtetasve të Republikës së Kosovës që jetojnë dhe punojnë në Emiratet e Bashkuara Arabe: të informohen rregullisht përmes burimeve zyrtare dhe mediave, të ndjekin udhëzimet e autoriteteve vendore, të shmangin zonat pranë objekteve të sigurisë dhe atyre ushtarake.
Ambasada do të vazhdojë të monitorojë situatën dhe do të njoftojë për çdo zhvillim të ri.
Për raste urgjente, ju lutem kontakoni numrin urgjent të ambasadës tonë në Abu Dhabi
+971 547092109.