Policia e Kosovës ka bërë të ditur se një person ka humbur jetën të shtunën, rreth orës 22:00, në Prizren, në një rast që po hetohet si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.
Sipas raportit 24-orësh të Policisë, viktima derisa ishte duke punuar në një shtyllë elektrike, dyshohet se është goditur nga rryma elektrike dhe si pasojë ka rënë në tokë, njofton Dukagjini.
Vdekja e viktimë është konstatuar në vendin e ngjarjes dhe me vendim të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion.