Kryesia e Partia Demokratike e Kosovës pritet të mblidhet sot në orën 16:00, ku ndër të tjera fokus pritet të jetë rikthimi i Fatmir Limaj në strukturat zgjedhore të partisë dhe përfshirja e tij në listën për deputetë për zgjedhjet e 7 qershorit.
Kujtojmë që kjo mbledhje mbahet një ditë para dorëzimit të listës së kandidatëve për deputetë nga partitë.
Ndërkohë, Limaj i ka dërguar të premten një letër kryetarit të PDK-së, Bedri Hamza, ku ka kërkuar që të jetë pjesë e listës së kandidatëve për deputetë pa vendosur kushte.
Kjo kërkesë ka nxitur diskutime dhe reagime të ndryshme brenda partisë, një pjesë e konsiderueshme e zyrtarëve dhe mbështetësve janë në favor të rikthimit të Limajt në partinë që ai kishte ndihmuar ta themelonte vite më parë.
Megjithatë, ende nuk ka një konfirmim zyrtar nga PDK-ja lidhur me vendimin që mund të merret në mbledhjen e sotme të kryesisë.