Kandidati per deputet i Lidhjes Demokratike të Kosovës, Bardhyl Hasanpapaj, ka vlerësuar mbështetjen e qytetarëve në takimin e mbajtur mbrëmë në lagjen Dardania, duke e cilësuar atmosferën si dëshmi të besimit në vizionin e LDK-së.
Sipas Hasanpapajt, atmosfera e krijuar në këtë takim dëshmoi mobilizimin dhe besimin e qytetarëve në vizionin e LDK-së për Prishtinën.
“Dardania mbrëmë ishte plot energji fituese. Faleminderit për pritjen e ngrohtë dhe mbështetjen. Ishte kënaqësi dhe privilegj të prezantohem para jush si kandidat i Degës IV dhe të ndajmë bashkë rrugën drejt fitores”, ka deklaruar Hasanpapaj.
Ai ka theksuar se mbështetja e qytetarëve po i jep forcë dhe motivim ekipit të LDK-së për të vazhduar angazhimin në shërbim të qytetarëve.
Hasanpapaj ka bërë thirrje për mobilizim në zgjedhjet e 7 qershorit, duke shprehur bindjen se LDK-ja do të dalë fituese me mbështetjen e qytetarëve.
“Më 7 qershor, bashkë fitojmë”, ka thënë ai.