Një person është arrestuar të shtunën në Prizren nën dyshimin për përfshirje në krime lufte kundër popullsisë civile gjatë periudhës 24 prill – 26 maj 1999.
Sipas Policisë së Kosovës, i dyshuari, shtetas i Kosovës, dyshohet se në bashkëveprim me zyrtarë policorë të MUP-it serb ka kryer veprën penale “Krime lufte kundër popullsisë civile” gjatë luftës në Kosovë.
“Me datë 06.06.2026 është arrestuar i dyshuari mashkull kosovar nën dyshimin se i njëjti, në bashkëveprim me zyrtarë policorë të MUP-it serb, gjatë periudhës së cekur kohore ka kryer veprën e lartcekur”, thuhet në njoftimin e policisë.
Pas intervistimit dhe me vendim të prokurorit, i dyshuari është liruar në procedurë të rregullt, ndërsa hetimet për rastin janë duke vazhduar.