Presidenti amerikan Donald Trump ka deklaruar se beson se një marrëveshje me Iranin do të nënshkruhet “brenda dy deri në tre orëve”, sipas një interviste për Fox News.
Komentet ai i bëri në një bisedë të shkurtër me gazetarin Trey Yingst, i cili më pas i përsëriti ato gjatë një lidhjeje direkte nga Tel Avivi.
Sipas Yingst, Trump tha se ka folur në telefon me kryeministrin izraelit Benjamin Netanyahu pas sulmeve të fundit në Bejrut dhe ka shprehur pakënaqësi për veprimet e tij.
Trump gjithashtu i ka kërkuar Netanyahut që të mos ndërmarrë sulme të tjera ndaj Hezbollahut, në mënyrë që të mos rrezikohet procesi i arritjes së marrëveshjes me Iranin.