Katër persona të plagosur si pasojë e të shtënave me armë zjarri në Podujevë janë duke u trajtuar në Qendrën Klinike Universitare të Kosovës (QKUK).
Lajmin e ka konfirmuar për Dukagjinin, zëdhënësi i Policisë për rajonin e Prishtinës, Enis Pllana.
Ndërsa, drejtori i Klinikës Emergjente në QKUK, Naser Syla, ka deklaruar se të lënduarit janë të moshës së mesme dhe aktualisht po u nënshtrohen ekzaminimeve mjekësore.
Sipas tij, gjendja e tyre shëndetësore vlerësohet si e rëndë, por stabile.
“Katër të plagosur janë pranuar, të moshës së mesme. Po u kryhen ekzaminimet e nevojshme. Për të katërtit gjendja është e rëndë, por stabile”, ka deklaruar Syla për EO.
Siç raporton TV Dukagjini, ekipi i forenzikës tashmë ka mbërritur në vendin e ngjarjes dhe po kryen ekzaminimet e nevojshme.
Tre të plagosur nga të shtënat në Podujevë, Policia nis hetimet