Trajnerja shqiptare Elena Sadiku është nominuar për çmimin “Trajnerja e Vitit 2026” në futbollin e femrave, duke u përfshirë në listën e ngushtë prej pesë trajnerëve të nominuar për këtë trofe.
Sadiku, e cila aktualisht drejton Celtic dhe BK Häcken, është në garë për çmimin prestigjioz së bashku me Jonatan Giráldez të OL Lyonnes, Andrée Jeglertz të Manchester Cityt, Nils Nielsen të Japonisë dhe Pere Romeu të Barcelonës.
Për këtë çmim, votuesit përzgjedhin dhe rendisin vetëm dy emra nga lista prej pesë të nominuarve.
Kriteret për vlerësimin e trajnerëve nuk përfshijnë vetëm suksesin në rezultate, por edhe trofetë e fituar, taktikat, lidershipin, zhvillimin e lojtareve të reja dhe tejkalimin e pritshmërive.