Bosi famëkeq i drogës i cili po kërkohej nga FBI, u arrestua gjatë ditës së premte të 15 korrikut, operacioni për arrestimin e tij përfundoi në tragjedi ku 14 marinas që ndihmuan në kapjen e tij u vranë në një përplasje me helikopter.
Rafael Caro Quintero, ishte emri i shumëkërkuar nga FBI, ai u arrestua nga disa marinas, ku u gjet i fshehur në një shkurre nga qeni i marinarëve në qytetin e San Simon, në shtetin veriperëndimor të Sinaloa, kështu është bërë e ditur përmes një deklarate nga Marina Meksikane.
I njohur si “narko i trafikantëve të drogës”, konsiderohej si themelues i kartelit Guadalajara i cili akauzohej për trafik të metamfetaminës, heroinës, kokainës dhe marijuanës.
Helikopteri Black Hawk i Navy Meksikan u rrëzua në Los Mochis, Sinaloa pas operacionit për kapjen e tij, ku gjatë ditës së premte ende nuk dihej shkaku i rrëzimit të këtij helikopteri.
Por, trafikimi nuk është e vetmja arsye që Caro Quintero po kërkohej, ai poashtu kërkohej edhe nga autoritetet amerikane për rrëmbim dhe komplot për vrasjen e një agjenti special të Administratës së Zbatimit të Drogës, Enrique Camarena Salazar në vitin 1985, raporton CNN, përcjell Portali Dukagjini.
Camarena Salazar u rrëmbye, u torturua dhe u vra si hakmarrje për një bastisje në vitin 1984 në fermën e marihuanës prej 2,500 hektarësh e cila i përkiste Caro Quintero-s.
Quintero kaloi 28 vjet në burg të Meksikës, ai besohet të jetë rreth të 60-tave por, nuk dihet saktë mosha e tij.
Ekstradimi i Quintero-s po kërkohet nga Prokurori i Përgjithshëm i SHBA-ve, Merrick Garland, në mënyrë që ai të gjykohet në sistemin e drejtësisë, për vrasjen e Camarena-s.
“Nuk ka vend për t’u fshehur për këdo që rrëmben, torturon dhe vret forcat amerikane të ligjit,” ka thënë Garland.
Përndryshe, në vitin 2018-të, autoritetet amerikane kishin shpallur një shpërblim prej 20 milionë dollarësh për këdo që do e kapte Caro Quintero-n, famëkeqin e drogës.
Agjentët e Administratës së Zbatimit të Drogës (DEA), kanë punuar për më shumë se 30 vjetë për të sjellur Quintero-n para drejtësisë, ku arrestimi i tij u cilësua si rezultat i viteve të gjakut dhe djersës.
14 persona kanë humbur jetën nga rrëzimi i helikopterit ushtarak në Meksikë