Para Gjykatës në Pejë dhjetëra vajza dhe djem po protestojnë në shenjë reagimi për vrasjen e Arlinda Zekajt, derisa ata janë parë edhe me lot në sy.
Nxënësit që po protestojnë me fotografitë e së ndjerës në duar, po brohorasin “Edhe sa Arlinda?”.
Protesta po zhvillohet pak para nisjes së seancës dëgjimore për caktimin e masës së paraburgimit ndaj ish-bashkëshortit të Arlinda Zekajt, e cila pritet të mbahet sot në orën 14:00.
Në objektin e Gjykatës janë vendosur edhe zyrtarë të Policisë së Kosovës, në prag të nisjes së seancës.
