Ish-prokurorit, Ali Rexha, i është vendosur masa e sigurisë që të mos i afrohet prokurorit Lulzim Sulejmani dhe objektit të Këshillit Prokurorial të Kosovës.
Kjo masë i është vendosur për një muaj.
Ish-prokurori Rexha po dyshohet se ka kërcënuar verbalisht prokurorin special Lulzim Sulejmani.
Rexha ishte arrestuar të mërkurën e 20 korrikut, ndërsa të enjten e 21 korrikut ka dalë para gjyqtarit të procedurës paraprake, për shkak se ndaj tij është kërkuar një masë e sigurisë nga ana e Prokurorisë Themelore në Prishtinë.
Lidhur me këtë ka reaguar edhe Këshilli Prokurorial i Kosovës.
“Këto kërcënime serioze ndaj Prokurorit Sulejmani vijnë si rrjedhojë e angazhimeve të prokurorit në kuadër të aktiviteteve të tij në proceset disiplinore, të realizuara kohë më parë ndaj ish-prokurorit special, Ali Rexha”, thuhet në reagim.