Të premten e 12 gushtit në Kosovë parashikohet të mbajë mot me vranësira dhe intervale me diell.
Ndërsa gjatë orëve të pasdites dhe mbrëmjes, pritet të gjenerojnë rrebeshe lokale shiu, të shoqëruara me shkarkesa rrufesh, duke mos përjashtuar mundësinë për breshër, njofton Meteo Kosova.
Era do të fryjë në drejtime të ndryshme, e cila kohë pas kohe pritet të jetë e fuqishme, me shpejtësi 15-50 kilometra në orë.
Ndërkaq, temperaturat minimale do të luhaten prej 14 deri në 16 gradë Celsius ndërsa ato maksimale prej 26 deri në 29 gradë Celsius, të cilat gjatë orëve të pasdites do të pësojnë ulje të ndjeshme.