Pentagoni ka treguar se të martën Shtetet e Bashkuara, Koreja e Jugut dhe Japonia morën pjesë në një stërvitje të mbrojtjes nga raketat balistike në brigjet e Havait javën e kaluar, , duke ringjallur stërvitjet e kombinuara me vëmendje në Korenë e Veriut si dhe Kinën.
Ishte hera e parë që të trija vendet kanë mbajtur stërvitje të tilla që nga viti 2017, pasi marrëdhëniet midis Seulit dhe Tokios arritën në nivelin më të ulët në vitin 2019, mes mosmarrëveshjeve të rinovuara që datojnë nga pushtimi i gadishullit Korean nga Japonia në vitet 1910-1945.
Presidenti i Koresë së Jugut, Yoon Suk-yeol, një konservator që mori detyrën në maj, është zotuar të përmirësojë marrëdhëniet me Japoninë dhe të thellojë aleancën me SHBA-në për ta frenuar Korenë e Veriut, duke përfshirë zgjerimin ose rifillimin e stërvitjeve të përbashkëta.
Stërvitjet raketore u zhvilluan nga data 8 deri me 14 gusht, ato demonstruan angazhimin e tre vendeve për t’iu përgjigjur sfidave të paraqitura nga Koreja e Veriut, për të mbrojtur sigurinë e përbashkët dhe për të forcuar rregullat ndërkombëtare.