Kryeministri i Kosovës, Albin Kurti, ka deklaruar se solidarizohet me popullin e Pakistanit për shkak të përmbytjeve shkatërruese që po ndodhin atje.
Qeveria e Pakistanit i ka shpallur përmbytjet shkatërruese një “emergjencë kombëtare” pasi gati 1 mijë njerëz vdiqën dhe më shumë se 30 milionë janë pa strehë, ndërsa shirat historikë të musonit vazhdojnë të godasin kombin e Azisë Jugore.
“Ndërsa reshjet e monsunike vazhdojnë në Pakistan, ne po marrim me pikëllim të madh lajmin e përmbytjeve shkatërruese. Qeveria e Republikës së Kosovës dhe populli ynë po luten për popullin e Pakistanit, duke u përballur me fatkeqësinë e tij më të rëndë natyrore në dekada”, ka shkruar Kurti në Twitter.
As monsoon rains continue in Pakistan, we are receiving with great sadness the news of the devastating floods. The Government of the Republic of Kosova & our people are praying for the people of Pakistan, facing their worst natural disaster in decades.
— Albin Kurti (@albinkurti) August 29, 2022
Të paktën 937 njerëz kanë vdekur që nga mesi i qershorit, duke përfshirë 343 fëmijë, sipas Autoritetit Kombëtar të Menaxhimit të Fatkeqësive (NDMA), duke rikthyer kujtimin e përmbytjeve shkatërruese të vitit 2010.
Më shumë se gjysma e viktimave janë nga rajoni Balochistani dhe provinca jugore Sindh, ku 234 dhe 306 njerëz vdiqën përkatësisht mes shirave rekord që kanë prekur gjysmë milioni shtëpi në të gjithë vendin.
Agjencia e OKB-së, Zyra për Koordinimin e Çështjeve Humanitare (OCHA) tha në një përditësim të enjten se shirat e musonit kishin prekur rreth 3 milionë njerëz në Pakistan, nga të cilët 184 mijë janë zhvendosur në kampet e ndihmës në të gjithë vendin.
Që nga mesi i qershorit, kur filloi musoni, më shumë se 3 mijë kilometra rrugë, 130 ura dhe 495 mijë shtëpi janë dëmtuar, sipas raportit të fundit të situatës së NDMA.
