Ish-ministri i Arsimit, Rexhep Osmani, i ftuar në emisionin FIVE në RTV Dukagjini ka folur rreth situatës aktuale në arsim dhe ka thënë se ky shtator ia rikujton rrethanat e viteve 1991/92 kur kishin një paralizim të plotë gjatë kohës kur Serbia kishte mbyllur shkollat.
“Atëherë ishte një organizim i fuqishëm, masovik i gjithë arsimtarëve, i prindërve, i qytetarëve të Kosovës dhe ne arritëm që të mos lejojmë që Serbia të shtrijë një integritet të fuqishëm serbo-jugosllav”, ka thënë Osmani.
Më tej, Osmani ka shtuar se për mbylljen e shkollave duhet rikujtuar rruga e mundimshme e zhvillimit të arsimit në Kosovë.
Rexhep Osmani ka shtuar se ky shtator ishte i pa papërgjegjshëm për udhëheqësit e sindikatës. Sipas tij, Qeveria dhe sindikata duhet të gjejnë një gjuhë të përbashkët dhe se sindikata nuk e ka gjetur momentin e duhur për një grevë masovike.
Ish-ministri i Arsimit i bëri thirrje gjithë mësimdhënësve dhe shkollave fillore e të mesme të fillojnë procesin mësimor. Ai shtoi se dita e fundit e grevës duhet të jetë në këtë të premte dhe të hënën të filloj procesi mësimor.