Ministri i Punëve të Brendshme, Xhelal Sveçla ka kërkuar nga Presidenti i Serbisë, Aleksandër Vuçiq që i njëjti, të ndalojë së mbështeturi aktet e dhunshme dhe terroriste ndaj qytetarëve besnikë të RKS-së.
Një reagim i tillë vie pas sulmit të një pjesëtarit serb të Policisë së Kosovës nga strukturat ilegale me ç’rast të njëjtit i është djegur vetura.
“Tendencat për të ndjellur frikë vazhdojnë. Sot një tjetër oficer serb i Policisë së Kosovës është sulmuar nga strukturat ilegale, të cilat dogjën veturën e tij me targa legale RKS. Kjo është një thirrje e hapur për t’u luftuar institucionet e Republikës së Kosovës. I kërkojmë Vuçiqit të ndalojë së përkrahuri veprimet e dhunshme dhe terroriste ndaj qytetarëve besnikë të Republikës së Kosovës”, thuhet tutje në postimin e Sveçles.
The fear-mongering tendencies continue. Today another Serbian KP officer was assaulted by illegal structures who burned his car with legal RKS plates.This is an open invitation to fight RKS inst. We ask Vucic to stop supporting violent & terrorist acts towards loyal RKS citizens.
— Xhelal Sveçla (@XSvecla) September 19, 2022
Ministria e Punëve të Brendshme (MPB), ka njoftuar se nga një shtatori ka filluar procesi i regjistrimit të mjeteve nga targat ilegale në RKS. MPB-ja ka bërë të ditur se vetura e parë që i ka ndërruar këto tabela ka qenë në komunën e Prizrenit.