Kryeministri i Kosovës, Albin Kurti ka thënë se derisa të mërkurën po shënon Dita Ndërkombëtare e Paqes në anën tjetër Ukraina po vuan nga pushtimi rus.
Shefi i ekzekutivit në Twitter ka shkruar se pushtimi i paligjshëm i Putinit në Ukrainë kujton ditët më të errëta të agresionit fashist në Evropën e shekullit të 20-të.
This year, as we celebrate the Int'l Day of Peace, we also lament the outbreak of war. Putin's illegal invasion of Ukraine, recalling the darkest days of fascist aggression in 20th century Europe, is a reminder that to be pro-peace requires us also to be anti-fascist. #PeaceDay
— Albin Kurti (@albinkurti) September 21, 2022
Ai ka thënë se kjo luftë është një kujtesë “se të jemi pro paqes kërkon që ne të jemi edhe antifashistë”.
Ndërkaq në nder të kësaj dite edhe ministri i Punëve të Brendshme të Kosovës, Xhelal Sveçla ka thënë se është e nevojshme më shumë së kurrë që të ketë solidaritet në mes të popujve të cilëve u rrezikohet shtetësia, sovraniteti e paqja.
“Nuk ka prosperitet të popujve pa paqe. Nuk ka zhvillim e barazi të shoqërisë pa drejtësi”, ka shkruar Sveçla në Facebook.
Ai ka thënë se nuk mund të flitet për paqen dhe drejtësinë shoqërore pa dënuar agresionin e padrejtë dhe të pa arsyetuar të Rusisë ndaj popullit të Ukrainës.
“Demokratizimi i rajonit, lufta e përbashkët kundër krimit të organizuar dhe korrupsionit, sundimi i ligjit dhe ballafaqimi me të kaluarën duhet të jenë parakusht për ndërtimin e marrëdhënieve të mira dhe bashkëpunimit rajonal”, ka vijuar ai.
Sipas Sveçlës, paqja e qëndrueshme dhe stabiliteti afatgjatë në rajon dhe më gjerë duhet të jenë pasojë e drejtpërdrejt e zhvillimit të drejtësisë dhe demokracisë që duhet të ndërtohen në mes të fqinjësive të mira.