Ambasadori i Mbretërisë së Bashkuar në Kosovë, Nicholas Abbott, e ka quajtur të papranueshëm aktin e djegies së veturave me targa RKS në veri të Kosovës.
Përmes një postimi në Twitter, ambasadori britanik ka kërkuar që këto akte dhune të dënohen nga aktorët politikë seriozë.
Sipas tij, pas këtyre incidenteve duhen hetime të shpejta, të cilat siç është shprehur ai, duhet të kryhen me ndjeshmëri dhe seriozitet.
“Djegia e veturave pas riregjistrimit në targa RKS në veri të Kosovës, është e papranueshme. Të gjithë aktorët seriozë politikë duhet t’i dënojnë këto akte dhune dhe rreziqet që ato paraqesin për stabilitetin dhe qetësinë. Hetimet e shpejta për këtë akt krimi janë të nevojshme dhe duhet të kryhen me ndjeshmëri dhe seriozitet”, ka shkruar Abbott.
The burning of vehicles following re-registration to RKS plates in north Kosovo is unacceptable. All serious political actors should condemn these acts of violence and the risks they pose to stability and calm. 1/
— Nicholas Abbott (@nickabbottfcdo) March 31, 2023
Ndryshe, në dy ditët e fundit në veri janë djegur gjithsej pesë vetura, të cilat ishin të regjistruara me targa RKS.
Në mbrëmjen e së mërkurës, dy vetura të serbëve të Kosovës, të cilat ishin me targa RKS, janë djegur në Zubin Potok.
Ndërsa, të enjten tri veturat po ashtu me targa RKS janë djegur në Zveçan, ndërsa dy të tjerat në Mitrovicë të Veriut.