Kryetari i Lidhjes Demokratike të Kosovës (LDK), Lumir Abdixhiku, ka treguar se çfarë rrëfimesh kishte dëgjuar nga qytetarët gjatë vizitës së tij në qytetin e Prizrenit.
Sipas Abdixhikut, jeta e qytetarëve është bërë e vështirë dhe e papërballueshme, pasi Qeveria Kurti II nuk po merret me problemet e tyre, por është duke angazhuar me propagandë e arsyetime.
“Sot, 25 mijë familje kosovare kanë mbetur pa të hyrat e tyre. Qeveria e vendit ka vendosur hakmarrjen e dënimin si formë të nënshtrimit”.
“Mungesa e ndjeshmërisë ndaj njerëzve të këtij vendi, në kohë të krizës më të madhe të dekadës së fundit, është nivel i ri i ulët i qeverisjes”.
Më tej, ai ka treguar nevojat e qytetarëve të Kosovës.
“Shoqëria kosovare ka nevojë për unitet para përçarjes, ka nevojë për zhvillim para mbylljes për solidaritet para braktisjes. Mbi të gjitha, Kosova ka nevojë për shpresë para zymtësisë e frikësimit”, ka përfunduar i pari i LDK-së, Abdixhiku.
Ky reagim i tij ka ardhur për shkak se Qeveria e Kosovës nuk i ka ekzekutuar paga për mësimdhënësit, të cilët kishin qenë në grevë nga 25 gushit deri më 3 tetor të vitit 2022.