Kryetari i LDK-së, Lumir Abdixhiku, bashkë me Viola Von Cramon, Raportuesen e Parlamentit Evropian për Kosovë, ishin mysafirë në një ngjarje të organizuar në qytetin e Hamburgut.
Në këtë organizim, Abdixhiku takoi disa shqiptarë me profesione nga më të ndryshme.
Abdixhiku theksoi se njerëz të tillë janë potencial, dhe se Kosova duhet t’i mbajë afër vetes.
“Aty takuam profesionistë shqiptarë pjesë e jetës publike në Hamburg. Ishin profesionistë të dalluar nga fusha e mjekësisë, programimit, drejtësisë, ushtrisë e sektori privat. Një potencial të tillë e kemi detyrim ta mbajmë të lidhur me Republikën tonë. Kosova ka shumë dije, profesionalizëm e pasuri njerëzore në çdo qytet evropian”, ka shkruar Abdixhiku.
LDK-ja, sipas Abdixhikut, e ka për synim që atë potencial ta përfshijë në Kosovë.