Kryetari Lidhjes Demokratike të Kosovës(LDK), Lumir Abdixhiku, ka reaguar për shkak se Qeveria Kurti 2 ka bërë vetëm 9 për qind investime kapitale në Kosovë.
Abdixhiku ka thënë se në dekadën e fundit është shënuar rekordi për investimet me të ulëta kapitale, e ky rezultat është si pasojë e Qeverisë Kurti 2.
“Fukarallëku mendor i kësaj Qeverieje po i prodhon tkurrje kolektive të gjithë shoqërisë sonë”, ka shkruar ai në Facebook.
Sipas Abdixhikut, Kosova ka hyrë në vitin e dytë që nuk ka asnjë projekt kapital nga qeveria.
“Premtimet e 40 çerdheve në Kosovë, të 4000 banesave sociale, të rrugëve rajonale, bankave zhvillimore e aseteve sovrane – nuk kanë filluar as edhe në letër”, ka shkruar Abdixhiku.
Ai ka thënë se për Kurtin është me lehtë të ankohet për gabimet e qeverive të kaluara në 20 vjetët e fundit sesa të punojë.
I pari i LDK-së ka ngritur disa pyetje për qytetarët e Kosovës “kur keni parë kryeministrin e Kosovës të fillojë, përurojë apo edhe të flasë për ndonjë projekt madhor kudo në Kosovë? Cilën vendpunishte me punëtorë e ka nisur ai apo kjo qeveri deri më sot?”.
Gjithashtu, Abdixhiku ka theksuar se Repubilka e Kosovës ka nevojë për zhvillim, e zhvillmi siç thotë ai, nuk mund të reduktohet në disa transakcione bankare të skemave sociale.
“S’është ekonomia kaq e thjeshtë e shteti s’është vetëm bankë. Kosova megjithatë ka nevojë për projekte të guximshme dhe të mëdha; për investime kapitale në spitale, shkolla, infrastrukturë rrugore, stadiume, salla kulturore e në energji – në pothuajse çdo fushë të jetës publike”.
Qeveria Kurti 2, sipas Abdixhkut, nuk e ka bërë,“as edhe një shenjë e lënë”.