Aeroporti i Mynihut nisi rihapjen graduale të fluturimeve nga ora 07:00 e kësaj të shtune teksa u mbyll sërish gjatë natës për shkak të alarmit për dronë.
Aeroporti i këshilloi udhëtarët të kontrollonin me linjat e tyre ajrore ndërsa përgatitej për rifillimin, dy orë më vonë se sa ishte planifikuar fillimisht, pas mbylljes së mbrëmjes së së premtes, shkruan Reuters, transmeton Dukagjini.
Dhjetëra fluturime ishin shtyer ose anuluar, duke lënë të bllokuar rreth 6,500 pasagjerë, thanë autoritetet.
Aviacioni evropian është përballur vazhdimisht në javët e fundit nga prania e dronëve për të cilat disa autoritete kanë fajësuar Rusisë ndërsa Kremlini ka mohuar çdo përfshirje.
“Kontrolli gjerman i trafikut ajror kufizoi operacionet e fluturimit në Aeroportin e Mynihut si një masë paraprake për shkak të pranisë të pakonfirmuara të dronëve dhe i pezulloi ato deri në njoftim të mëtejshëm”, thuhej në një deklaratë në faqen e internetit të aeroportit.
Në një përditësim të mëvonshëm, aeroporti tha se 23 fluturime u shtynë, 12 fluturime për në Mynih dhe 48 nisje u anuluan ose u shtynë.
Aeroporti dhe linjat ajrore u kujdesën për pasagjerët teksa u shpërndanë shtretër kampingu, batanije, pije dhe ushqime.
Aeroporti i Mynihut u mbyll për disa orë vonë të enjten dhe në orët e para të mëngjesit pas pamjeve të pakonfirmuara të dronëve që ndërprenë dhjetëra fluturime.
Ministri i Brendshëm gjerman Alexander Dobrindt premtoi më herët të premten se do të sillte legjislacionin që do ta bënte më të lehtë për policinë t’i kërkonte ushtrisë të rrëzonte dronë.