Asociacioni i Gazetarëve të Kosovës (AGK) ka reaguar për sulmet ndaj gazetarëve që po u bëhen nga protestuesit serbë në veri.
AGK-ja ka dënuar këto sulme duke i përmendur këto të fundit me gjësende të forta në Leposaviq.
“Gazetarët e medieve të ndryshme janë sulmuar para pak çastesh nga protestuesit serbë në Komunën e Leposaviqit. Në një transmetim direkt të medieve, shihen disa gra duke tentuar t’i pengojnë gazetaret e RTV Dukagjinit, KOHËS dhe medieve të tjera të raportonin live nga kjo komunë”, shkruan AGK.
Asociacioni i Gazetarëve të Kosovës ka kontaktuar menjëherë Policinë e Kosovës, që t’u sigurojë një perimetër të sigurt të raportimit kolegëve tanë.
AGK-ja u bën thirrje të gjithë kolegëve që të respektojnë udhëzimet e dhëna nga zyrtarët e Policisë së Kosovës që janë prezentë atje, dhe të kenë kujdes të shtuar gjatë raportimit.
Sot gjatë raportimit në komunën e Leposaviqit, gazetarja e RTV Dukagjini, Vlora Selimi është penguar nga një protestuese serbe.
Gazetarja e RTV Dukagjini pengohet gjatë raportimit në Leposaviq