Kryetari i Lipjanit dhe kandidati për një mandat të ri nga radhët e LDK-së, Imri Ahmeti, ka prezantuar programin e tij sonte në Ribari i Madh dhe Zllakuqan, duke theksuar projektet e realizuara në këto fshatra.
Sipas Ahmetit, ndër projektet e realizuara janë ndërtimi i shkollës së re, ndërtimi i sallës sportive, zgjerimi i rrugës “Vehbi Kozhani” deri në Zllakuqan, riasfaltimi i rrugës kryesore deri në Poturovc dhe projekte të tjera infrastrukturore.
“Programin tonë, që në qendër ka qytetarin dhe vazhdimësinë e punëve të mira, e prezantuam sonte në mesin e qytetarëve të Ribarit të Madh dhe të Zllakuqanit. Përkushtimi i tyre dhe mbështetja masive na japin forcë për fitoren e madhe që na pret. Ribari i Madh dhe Zllakuqani konfirmuan edhe një herë se qëndrojnë të bashkuar me objektivat dhe vizionin tonë për të vazhduar përpara”, ka shkruar Ahmeti në Facebook.