Një aksident trafiku me pasoja fatale ka ndodhur mbrëmjen e së dielës, më 22 shkurt 2026, rreth orës 20:35, saktësisht tek semaforët në Bresje të Fushë-Kosovës..
Në vendin e ngjarjes kanë dalë menjëherë ekipet relevante të Policisë së Kosovës dhe autoambulanca, të cilat janë marrë me rastin.
Sipas informacioneve fillestare, një person ka humbur jetën si pasojë e aksidentit.
Policia ka bërë të ditur se një person është ndaluar në këtë fazë, ndërsa hetimet janë duke vazhduar për të sqaruar rrethanat e plota të ngjarjes.