Një aksident i rëndë trafiku me fatalitet ka ndodhur mbrëmjen e së hënës në Graçanicë, ku një këmbësor ka humbur jetën pasi u godit nga një veturë.
Sipas njoftimit zyrtar të Policisë, vozitësi dyshohet se nga pakujdesia ka goditur me veturë një këmbësor, i cili si pasojë e plagëve të marra ka ndërruar jetë në vendin e ngjarjes.
“Është arrestuar vozitësi mashkull kosovar, pasi që dyshohet se me veturë nga pakujdesia ka goditur këmbësorin mashkull kosovar. Me vendim të prokurorit trupi i pa jetë i viktimës është dërguar në IML për obduksion, ndërsa i dyshuari është dërguar në mbajtje”, thuhet në njoftim.