Prokuroria Speciale e Kosovës ka ngritur aktakuzë në Gjykatën Themelore në Prishtinë – kundër të pandehurit S.Z, nën dyshimin se ka kryer veprën penale “nxitja e përçarjes dhe mosdurimit”.
Në njoftimin e prokurorisë thuhet se sipas aktakuzës i pandehuri S.Z. ka nxitur, përhapur publikisht urrejtje, përçarje dhe mosdurim midis grupeve kombëtare “në atë mënyrë që përmes rrjetit social Tik-Tok ka fyer, ofenduar dhe përhapur urrejtje ndëretnike”.
“Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamentin Special, kundër të pandehurit S.Z. në drejtim të veprës penale “Nxitja e përçarjes dhe mos durimit”, nga neni 141 par.1 të KPRK-së.
Sipas aktakuzës i pandehuri S.Z ka nxitë, përhapë publikisht urrejtje, përçarje dhe mos durim midis grupeve kombëtare në atë mënyrë që përmes rrjetit social Tik-Tok ka fyer, ofenduar dhe përhapur urrejtje ndëretnike”, thuhet në njoftim.