Amazon po mbyll librarinë e saj Kindle në Kinë, duke shënuar një tjetër tërheqje nga një gjigant i teknologjisë perëndimore me ekonominë e dytë më të madhe në botë, Kina.
Të enjten e 2 qershorit, kompania ka njoftuar se duke filluar nga korriku i vitit 2023, të gjithë ata që përdorin Kindle nuk do të kenë më mundësinë që të blejnë libra online.
Por, të gjithë ata klientë që janë pjesë e kësaj librarie, do të jenë në gjendje që të shkarkojnë ende libra deri në muajin qershor të vitit 2024. Amazon ka bërë të ditur që duke filluar që ditën e enjte të 2 qershorit do të ndalojë furnizimin me pajisjet Kindle.
“Angazhimi afatgjatë i Amazonit në Kinë ndaj klientëve nuk do të ndryshojë”, ka thënë firma me bazë në Seattle në një deklaratë. “Ne kemi krijuar një themel të gjerë biznesi në Kinë dhe do të vazhdojmë të inovojmë dhe investojmë”, raporton CNN.
Një vazhdë e tërheqjeve është bërë nga Kina në muajt e fundit, ku edhe javën e kaluar Airbnb njoftuan se do të hiqnin të gjitha listat e tyre dhe do të përqendroheshin jashtë vendit.