Ambasadori i Shteteve të Bashkuara të Amerikës (SHBA), në Kosovë, Jeff Hovenier, të martën ka vizituar Manastirin e Deçanit.
Ai përmes një postimi në Twitter, është shprehur i kënaqur me vizitën e tij siç ka thënë në “Manastirin historik e të bukur të Deçanit”.
“I kënaqur që u bashkohem me kolegët nga trupi diplomatik i Kosovës në një vizitë në Manastirin e bukur, historik të Deçanit”, ka shkruar ai në Twitter.
Delighted to join colleagues from Kosovo’s diplomatic corps on a visit to the beautiful, historic Decani Monastery. pic.twitter.com/flgAEq2Saw
— Ambassador Jeff Hovenier (@USAmbKosovo) May 24, 2022
Në fotot që ka publikuar ambasadori amerikan, shihet edhe ambasadori i Shqipërisë në Kosovë, Qemal Minxhozi, i cili për Portali D, ka thënë se nuk kishte ndonjë arsye të veçantë për këtë vizitë.
Ndryshe, Ambasadorët e QUINT-it, kishin lëshuar të premten një deklaratë të përbashkët lidhur me çështjen e pronës së Manastirit të Deçanit, duke i bërë thirrje Qeverisë së Kosovës që ta respektojë vendimin e vitit 2016 të Gjykatës Kushtetuese të Kosovës, që vërtetoi pronësinë e Manastirit të Deçanit mbi disa hektarë tokë.