Policia e Kosovës, i ka arrestuar dy persona në komunën e Ferizajt, të cilët dyshohen për veprimtarisë së paligjshme të fajdes.
Në njoftimin e tyre thuhet se dy të dyshuarit i kanë dhënë një personi tjetër 20 mijë euro dhe e kanë detyruar t’i kthej 74 mijë euro.
Viktima kishte arritur t’ua japë të dyshuarve 60 mijë euro, pra 40 mijë më shumë se borxhin të cilin e kishte marrë.
“Policët hetues të Sektorit Rajonal të Hetimeve i kanë marrë të gjitha masat e nevojshme dhe nën autorizim të prokurorit nga Prokuroria Themelore në Ferizaj i kishin nisur hetimet. Nga hetimet e para, intervistimit të viktimës është mësuar se dy persona i kishin dhënë fajde një shumë prej njëzet mijë ( 20 ) euro, për ta detyruar atë ti kthejë shumën prej shtatëdhjetë e tre mijë ( 73 ) euro, edhe pse deri më tani shumën prej gjashtëdhjetë mijë ( 60 ) euro , viktima u kishte paguar të dyshuarëve”, thuhet në njoftim.
Policia tutje ka njoftuar se të arrestuarit janë A.G i moshës 50 vjeçare dhe F.G i moshës 49 vjeç.
Me vendim të prokurorit të dyshuarit janë dërguar në mbajtje për 48 orë për procedura të mëtejme hetimore me dyshimin se kanë kryer veprën penale “Fajdeja”.