Tre mjekë janë arrestuar të martën e 27 qershorit, pasi dyshohen për “trajtim të pandërgjegjshëm mjekësor”.
Kjo, pasi një person ka informuar se pas lindjes së gruas së tij viktimës femër kosovare, pas disa minutave, foshnja ka vdekur, dhe ai dyshon se kjo ka ardhur si pasojë e mostrajtimit të duhur nga stafi mjekësor në spitalin e Prizrenit.
Kështu është bërë e ditur në raportin 24-orësh të policisë, ku thuhet se trupi i pajetë i foshnjës është dërguar për obduksion në IML.
“Ankuesi mashkull kosovar ka informuar se pas lindjes së gruas së tij viktimës femër kosovare, pas disa minutave foshnja ka vdekur dhe ai dyshon se kjo ka ardhur si pasojë e mos trajtimit të duhur nga stafi mjekësor. Me vendim të prokurorit trupi i pa jetë i foshnjës është dërguar në IML për obduksion, ndërsa janë arrestuar tre të dyshuar meshkuj kosovarë (mjekë) dhe janë dërguar në mbajtje”, thuhet në raport.