Ish-ministri i Punëve të Brendshme, Xhelal Sveçla ka njoftuar se është arrestuar një person, si “një nga terroristët që dhunshëm sulmoi pjesëtarët e KFOR-it në Zveçan, disa prej të cilëve mbetën me pasoja të përjetshme”.
Sveçla përmes një postimi në “Facebook” ka thënë se anjë terrorist nuk do ta ndjejë lirinë për aq kohë sa ka cënuar rendin kushtetues dhe punën e institucioneve të vendit.
“Arrestohet edhe një nga terroristët që dhunshëm sulmoi pjesëtarët e KFOR-it në Zveçan, disa prej të cilëve mbetën me pasoja të përjetshme. Asnjë kriminel e terrorist nuk do ta ndjejë lirinë për aq kohë sa ka cënuar rendin tonë kushtetues, punën e institucioneve tona, detyrën e zyrtarëve tanë e personelit ndërkombëtar. Mbi ta do të veprohet pa asnjë kompromis siç presim që edhe drejtësia të veprojë në linjë të tillë. Republika jonë nuk ka qenë dhe nuk do të jetë kurrë zonë e rehatisë për kriminelë e terroristë”, ka shkruar Sveçla.
Arrestohet edhe një i dyshuar për sulmin ndaj KFOR-it në Zveçan
