Kandidati i Lëvizjes Vetëvendosje për kryetar të Komunës së Prizrenit, Artan Abrashi, ka zhvilluar një takim me qytetarët e Lagjes “Bajram Curri”, i shoqëruar nga kryeministri në detyrë, Albin Kurti.
Abrashi tha se po merr mbështetje në çdo lagje dhe fshat të Prizrenit,
“Me kryeministrin Kurti, u takuam me qytetarët e Lagjes Bajram Curri. Fryma e fitores ka përfshi çdo lagje e çdo fshat të Prizrenit. Faleminderit për mbështetjen dhe besimin tuaj”, ka shkruar Abrashi në Facebook.