Hykmete Bajrami deputetja e LDK-së, ka kritikuar ashpër Lëvizjen Vetëvendosje pas dështimit të seancës konstituive, duke theksuar se kjo parti nuk ka interes për formimin e institucioneve.
“Sot u propozuan dy kandidate për të cilat dihej se nuk kishin votat. Është e qartë që nuk kishte mbështetje as për Haxhiun, as për Gërvallën”, deklaroi Bajrami.
Ajo shtoi se “zyret e qeverisë janë të uzurpuara dhe vendimet që po merren janë joligjore”.
Bajrami i bëri thirrje Prokurorisë Speciale të trajtojë seriozisht kallëzimet penale të dorëzuara nga LDK.
“VV-ja nuk ka as interes për të konstituar Kuvendin. Sot propozuan dy kandidate për të cilat dihej se nuk i kishin votat. Është fatkeqësi që ende nuk kemi institucione, zyret e qeverisë janë jashtë mandatit, dhe vendimet që po merren janë të gjitha joligjore. I bëjmë thirrje Prokurorisë Speciale të merret seriozisht me 17 kallëzimet penale që i kemi dorëzuar”, tha ajo.