Pjesëtarët e Njësisë Speciale Intervenuese, janë duke kryer përsëri bastisje në argjendarinë në Prishtinë, pronari i së cilës u arrestuar ditë më parë në lidhje me grabitjen në Suharekë.
Bastisjen e ka konfirmuar për Portalin Dukagjini, prokurorja e rastit Ervehe Gashi.
Më tej ajo tha se janë ende në kërkim të personit të arratisur ditë më parë dhe se hetimet janë duke vazhduar.
E pyetur nëse do të ketë edhe të arrestuar të tjerë, ajo është përgjigjur se nuk mund të tregojë arsyjet e bastisjes pasi që mund të dëmtohen hetimet operative.
“E gjitha kjo varet në bazë të rezultateve të hetimeve”, u shpreh ajo.
Ndryshe, dy ditë më parë ishte kryer bastisjes në këtë argjendari e cila ndodhet në rrugën “UÇK” në Prishtinë.
Nga ngjarja e grabitjeve në Suharekë, një person është vrarë, dy policë janë plagosur një është lënduar dhe shtatë të dyshuar janë arrestuar.