Kandidati i Lidhjes Demokratike të Kosovës për kryetar të Fushë Kosovës, Besnik Osmani, ka thënë se nuk ka shanse që LDK-ja të humbë Fushë Kosovën si bastion të sajin.
Osmani, i ftuar në Debat Plus, u shpreh se Partia Demokratike e Kosovës dhe Lëvizja Vetëvendosje janë duke bërë garë për vendin e dytë pasi sipas tij garë për fitues në Fushë Kosovë nuk ka pasi siç thotë ai qytetarët në mënyrë masive do të votojnë LDK-në.
“Ajo që kam parë gjatë fushatës sepse tash jemi në fund nuk ka asnjë gjasë, këtë e bazojë në atë që shoh tek qytetarët e fushe kosovës për ditë. Disponimi i qytetarëve nuk ka se si të mos kthehet në votë ditën e diel”, tha Osmani.
“Mund të ketë balotazh apo mund të mos ketë varet nga vullneti i qytetarëve, por një shumicë garanton një fitore të madhe të LDK-së në Fushëkosovë. Garë ka nga partitë e tjera për vendin e dytë, nuk ka garë për fituesin e diela nuk është larg dhe qytetarët do të vendosin dhe presim rezultatet”, u shpreh Osmani.