Zyra e Kryeministrit të Kosovës, në një njoftim zyrtar e ka konfirmuar se zëvendëskryeministri Besnik Bislimi, të enjten do të ketë vizitë zyrtare në Serbi.
Bislimi pritet të marrë pjesë në një konferencë për marrëdhënie ndëretnike, me temë diskutimi dialogun diplomatik
“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, merr pjesë në Beograd, ditën e enjte në konferencën e Forumit për Marrëdhënie Etnike, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”, me fillim nga ora 17:00”, thuhet në njoftimin e Zyrës së Kryeministrit.
Kurse ditën e premte Bislimi do të jetë pjesëmarrës në një panel diskutimi, në kuadër të “Belgrade Security Conference”, me temë “Kosova dhe Serbia – Shmangia e rrugës pa dalje”.