Rezultatet e jashtëzakonshme në ndeshjet e fundit nga ekipi kosovar, Bad News Eagles, kanë bërë që të ngjitet në renditjen botërore të Counter-Strike: Global Offensive (CS:GO), ku tani për herë të parë renditet në vendin e 18-të.
Të hënën, është përditësuar ranglista botërore e CS:GO nga HLTV, në ndeshjet e fundit të cilat ka triumfuar ekipi nga Kosova, Bad News Eagles, ka bërë që të kalojë nga vendi i 19-të në vendin e 18-të, për herë të parë në histori të ekipit.
Për momentin, BNE po garon në turneun REPUBLEAGUE, ku ndeshjen e radhës do ta zhvillojnë në çerekfinale të turneut, e cila do të mësohet së shpejti.
Ndërkaq, Bad News Eagles është ftuar në turneun kualifikues të turneut Major i cili do të mbahet në Rio de Janeiro të Brazilit.
Ndërsa, në lojën e fundit ekipi nga Kosova, Bad News Eagles, është mposhtur nga ekipi ECSTATIC në turneun REPUBLEAGUE, por gara për ta nuk ka përfunduar akoma.
Edhe pse u mposhtën nga ECSTATIC me rezultat të përgjithshëm 2-1 me mapa, BNE ka ende gjasa për ta fituar turneun REPUBLEAGUE, ku shpërndahen çmime në vlerë prej 130 mijë dollarësh.
Ndeshja kishte filluar me fitore të mapit të parë nga ekipi BNE, por që nuk arritën ta përsëritin në mapat tjera, kështu duke i humbur dy mapat e fundit.
Ekipi ECSTATIC me fitoren kundër BNE ka siguruar direkt gjysmëfinalen, ndërsa ekipi shqiptar do të luajë në çerekfinale.
Ndërkaq, ende nuk është bërë e ditur se kur do ta zhvillojë ndeshjen e radhës ekipi shqiptar në turneun REPUBLEAGUE.
“Bad News Eagles” fiton ndaj “MAD Lions” në turneun “REPUBLEAGUE CS:GO”