Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, të hënën e 12 dhjetorit, ka folur edhe për planin franko-gjerman, i cili është propozuara si zgjidhje për çështjen Kosovë- Serbi.
“Jam i lumtur që kemi marrë përkrahjen e fortë të të gjithë ministrave për këtë iniciativë. Tash është propozim i 27 shteteve të BE-së”, ka thënë Borrell.
“Ne e kemi ofruar atë propozim dhe duhet ta shtyjmë para urgjentisht”, ka theksuar shefi i diplomacisë evropiane.
“Palët duhet të kthehen në dialog. Është një detyrë që BE-ja e ka marrë nga Asambleja e Përgjithshme e Kombeve të Bashkuara dhe po ashtu unë si lehtësues”, ka shtuar ai.
Sipas Borrellit, palët duhet të dialogojnë sepse kjo është esenca e rrugës evropiane.
“Pas incidenteve në veri, ne kemi vendosur një propozim për dy liderët, e kemi përditësuar atë javët e fundit, pas marrëveshjes së fundit që e arritëm për targat, e që shpresonim se të evituam tensionet”, ka përfunduar Borrell.