Kandidati i Partisë Demokratike të Kosovës (PDK) për kryetar të Komunës së Lipjanit, Shukri Buja, ka zhvilluar një takim me qytetarët e komunitetit ashkali, ku ka marrë, siç tha ai, mbështetje të fuqishme për zgjedhjet e së dielës.
Në një postim në rrjetet sociale, Buja theksoi se qytetarët ashkali në të gjitha vendbanimet e Lipjanit po rreshtohen pas ekipit të tij dhe të PDK-së.
“Në takim me qytetarët e komunitetit ashkali mora mbështetje të fuqishme për zgjedhjet e së dielës!
Bashkëqytetarët e komunitetit ashkali në të gjitha vendbanimet e Lipjanit po rreshtohen me ekipin tonë fitues.
Falënderim i veçantë për besimin dhe përkrahjen tuaj, së bashku për fitore të dielën”, ka shkruar Buja në Facebook.