Kandidati i PDK-së për kryetar të Lipjanit, Shukri Buja ka vizituar sot Scantech Academy, ku tha se rinia e kësaj komune po mëson profesionet e së ardhmes.
Ai u shpreh krenar me zhvillimin e sektorit privat dhe me bizneset e reja që, sipas tij, po e çojnë përpara ekonominë e Lipjanit.
Ahmeti premtoi se në mandatin e ardhshëm komuna do të mbulojë koston e trajnimeve profesionale për profesionet që nuk ofrohen në shkolla, por që kërkohen nga tregu i punës.
“Në mandatin e ardhshëm, do të mbulojmë koston e trajnimeve profesionale për të gjitha ato profesione që shkolla nuk i ofron, por që tregu i punës i kërkon. Lipjanin do ta bëjmë qendër të arsimit profesional! Çdo i ri do të ketë qasje falas në trajnim dhe përgatitje konkrete për tregun e punës. Unë besoj në fuqinë e rinisë dhe për ta do të hapim dyer të reja të arsimit, punësimit e zhvillimit. Sepse vetëm me rininë e përgatitur, Lipjani ecën përpara!”, ka shkruar Ahmeti.