“Burgu i Idealit” do të jetë ekspozita hapëse e muzeut të burgut të Prishtinës.
Ky muze do të hapet në ish-ndërtesën e burgut të Prishtinës, ndërtesë e cila brenda vetes mban histori të shumta të përndjekjes, maltretimit dhe shtypjes së idesë për liri.
Shndërrimi në muze e ka simbolikën e arkivimit të historisë dhe rezistencës të të gjithë atyre që ishin të burgosur politikë në të gjitha burgjet e Kosovës.
Ekspozita e përkohshme hapëse e muzeut “Burgu i Idealit” do të mbahet më 12 korrik nga ora 17:00.
Përmes kësaj ekspozitë do të bëhet prezantimi, dokumentimi i materialit të arkivuar që dëshmon vuajtjet e të burgosurve politikë për idealin e tyre, lirinë e vendit.
Ceremoninë hapëse do ta organizojë Ministria e Kulturës, Rinisë dhe Sportit.
