Trajneri i mirënjohur, Ismet Munishi, ka thënë se asnjë selektor i Kosovës deri tani nuk ka ditur të nxjerrë maksimumin prej futbollistëve.
Ai shtoi se sipas tij futbollistët nuk janë fajtor për rezultatet e dobëta të ‘Dardanëve’ në kualifikimet për ‘Euro 2024’.
“Unë mendoj që asnjë selektor deri tash nuk ka ditur të nxjerrë maksimumin prej Kombëtares tonë. Pavarësisht se janë ndërruar disa që nga pranimi e tutje. Mendoj që ka ardhur koha që duhet të zgjedhet një selektor që do të bëjë sukses,” tha Munishi.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.