Një mundësi e re punësimi dhe zhvillimi profesional po hapet për të rinjtë e Mitrovicës.
Kompania ndërkombëtare Concentrix, e njohur për ofrimin e shërbimeve të teknologjisë dhe mbështetjes ndaj klientit në mbarë botën, ka hapur zyrtarisht degën e saj të re në qytetin e Mitrovicës.
Me një hapësirë moderne pune dhe teknologji bashkëkohore, Concentrix sjell në këtë qytet jo vetëm investim të huaj, por edhe perspektiva të reja për qindra të rinj, që tani kanë mundësinë të zhvillojnë karrierë brenda vendit.
Concentrix, e pranishme në më shumë se 40 vende të botës, sjell me vete standarde ndërkombëtare dhe trajnime profesionale, duke ofruar vende pune në gjuhë të ndryshme dhe në sektorë të ndryshëm të teknologjisë dhe komunikimit.
I pranishëm në hapjen e pikës së re të Concetrix, ishte edhe kryeministri në detyrë, Albin Kurti.
Të rinjtë e këtij vendi, tashmë kanë edhe një mundësi të re për punësim por edhe për të zgjeruar njohuritë e tyre.