Raportuesja për Kosovën në Parlamentin Evropian, Viola Von Cramon, e cila një ditë më parë e ka vizituar veriun e Kosovës, tha se shumë qytetarë serbë janë të pakënaqur me përfaqësuesit e Listës Serbe.
Cramon u shpreh se situata atje nuk është mjaft e mirë, por që sipas saj, ka ende shpresë për t’u përmirësuar.
“Shumë njerëz nuk janë të kënaqur me kryetarët serbë apo përfaqësuesit e Listës Serbe, cka mendoj unë se nevojitet të bëhen të gjithë bashkë për dialog. Ka shumë njerëz, OJQ, ende ka një dritare të mundësisë, është në skaj, është humbur besimi, unë kam ardhur në veri në 2019, prej atëherë kam qenë 4 a po 5 herë, kam qenë andej aq sa kam mundur si raportuese. Rruga nuk është duke u përmirësuar, nuk është aq e mirë, por cka mund të bëjmë është të kontaktojmë me ish-anëtarët e kuvendeve komunale, të mbahen zgjedhjet me pjesëmarrje, duhet të ndërmarrim hapa në dialog”, ka thënë ajo.