Deputeti gjerman, Knut Abraham, ka reaguar ndaj deklaratës së emisarit amerikan, Gabriel Escobar, i cili tha se Kosova i ka edhe kushte për anëtarësim në Këshill të Evropës (KiE) si Asociacionin dhe disa shpronësime në veri të Kosovës.
Abraham ka thënë se Asambleja Parlamentare e Këshillit të Evropës (PACE) për anëtarësimin e Kosovës vendos në mënyrë të pavarur, teksa ka shtuar se ShBA-ja s’do të pranohej për shkak të dënimit me vdekje.
“I vlerësojmë shqetësimet e Escobarit, por mund ta sigurojmë se Asambleja Parlamentare në mënyrë të pavarur do t’i përcaktojë kriteret e anëtarësimit për Kosovën në Këshill të Evropës dhe do ta vlerësojë përmbushjen e tyre. SHBA-ja nuk do t’i plotësonte këto kritere për shkak të dënimit me vdekje”, ka shkruar Abraham në X.
We appreciate Escobar's concerns, but can assure him that @PACE_news will independently define 🇽🇰 membership criteria for @coe and assess their fulfilment. The US would not fulfil these criteria because of the death penalty. @Dora_Bakoyannis @FrankSchwabe @PACE_President
— Knut Abraham, MdB (@Knut_Abraham) March 15, 2024
Ndryshe, më 13 mars, kryeministri i Kosovës, Albin Kurti, njoftoi gjatë mbledhjes së ekzekutivit se kërkesa drejtuar Agjencisë Kadastrale është bërë pasi që zbatimi i vendimit të Gjykatës Kushtetuese, që kërkon transferimin e 24 hektarëve tokë të Manastiri i Deçanit, do të ishte vendimtar për aplikimin e Kosovës për anëtarësim në Këshillin e Evropës, gjatë Asamblesë Parlamentare të këtij institucioni, që do të mbahet në prill.
Ndërkaq sot, emisari amerikan, Gabriel Escobar, në një intervistë për Radion Evropa e Lirë deklaroi se janë edhe dy kushte të tjera për anëtarësimin e Kosovës në KiE, si Asociacioni i komunave me shumicë serbe dhe ai për shpronësimet në veri.