Ish-lojtari dhe analisti Jamie Redknapp thotë se “diçka duhet të ndryshojë” mes Mohamed Salah dhe trajnerit të Liverpool, Arne Slot, pasi sulmuesi egjiptian u la jashtë për herë të dytë radhazi në ndeshjen 1-1 ndaj Sunderland.
Salah nuk ishte në formacionin startues as ndaj West Ham javën e kaluar, me Slot që argumentoi se bëhej fjalë për rotacion, por përsëri nuk e aktivizoi yllin e tij në Anfield.
Salah u aktivizua në pjesën e dytë kundër Sunderland, por nuk arriti të ndikonte në rezultatin 1-1. Daniel Sturridge e ka mbështetur egjiptianin që të rikthejë formën e tij më të mirë.
Redknapp shton se kjo situatë mund të jetë shenjë e një krize mes lojtarit dhe klubit.
“Nuk ka mënyrë që Mohamed Salah të jetë i kënaqur duke qenë lojtar dytësor në këtë ekip. Nëse gjërat nuk shkojnë siç duhet, ai meriton të kërkojë largimin, qoftë në janar apo në verë”.
Kjo rënie forme e Salah vjen pas rinovimit të kontratës me Liverpoolin në fund të sezonit të kaluar, pas muajsh spekulimesh për të ardhmen e tij.