Bllokimi i rrugëve në veri të Kosovës, ka hyrë në ditën e dhjetë. Arsyeja për vendosjen e barrikadave nga serbët, është arrestimi i ish-policit serb, Dejan Pantiq, nga Policia e Kosovës.
Një barrikadë e re është vendosur në lagjen “Berxhane”, e cila të shpjerë për në Zveçan.
Për t’u kujdesur për sigurinë e qytetarëve në atë pjesë të Kosovës, janë shtuar patrullime nga ana e Policisë së Kosovës, KFOR-it e EULEX-it.
Të dielën, një grup i protestuesve ekstremistë serbë kanë thyer kordonin e parë të Policisë serb, e cila po i kontrollonte teksa po protestonin afër kufirit me Kosovës, në pikën kufitare në Jarinjë.
Ata u ndaluan nga kordoni i dytë i policisë, i cili ishte vetëm pak metra larg pikës së kontrollit në Jarinjë.
Në kufi me Serbinë, kishin dalë njësitë e KFOR-it, të cilët i kishin shtuar forcat për ta parandaluar një eskalim të mundshëm të gjendjes.
Por, protestuesit anës tjetër të kufirit, u dorëzuan dhe u shpërndan pa ndonjë incident të madh.