Më 30 gusht shënohet Dita Ndërkombëtare e Viktimave të Zhdukjes me Forcë.
“Nëse koha gdhend gurin, ajo shkatërron njeriun. Vitet kalojnë, por asnjë proces nuk e shuan dhimbjen dhe kujtimin për ata që na mungojnë. Ne kemi nevojë të dimë për ta. Na është bërë kërkesë kryesore e jetës që të mbushim varrin e hapur…”, shprehen familjarët e personave të zhdukur.
Kushtrim Gara nga Komisioni Qeveritar për Persona të Zhdukur ka thënë se kjo ditë është jo vetëm përkujtimore, por edhe një thirrje e fuqishme për të mos harruar dhe për të kërkuar të vërtetën.
“Dita Ndërkombëtare për Personat e Zhdukur me Dhunë, një ditë përkujtimi dhe jo vetëm.
Në këtë kuadër, më 29 gusht do të zhvillohet ceremonia e homazheve dhe vendosja e luleve pranë Përmendores së Personave të Zhdukur, përballë Kuvendit të Kosovës, duke nisur nga ora 10:45.
Ndërsa më 30 gusht, aktivitetet do të vazhdojnë në Gjenevë, me marshin përkujtimor “Përderisa i kujtojmë, ata jetojnë”, nga Parc des Cropettes drejt Kombeve të Bashkuara, me fillim në orën 13:30.